Prošeakta:Oahpahuspilohta Sápmelaš máhttu neahtas
Sámi máhttu neahtas
Prošeakta birra
Olbmot miehtá máilmmi geavahit ja divodit Wikipedia, mii maiddái lea okta máilmmi eanemus galleduvvon neahttabáikkiin. Davvisámegielat Wikipedia lea okta dain badjel 300 giellaveršuvnnain Wikipedias. Leat eaktodáhtolaš veahkeheaddjit geat divodit ja ođasmahttet Wikipedia ja vaikko gii sáhttá veahkehit. Dat mearkkaša ahte dat máhttu mii gávdno Wikipedias speadjalastá sin máhttu geat oassálastet. Boađus lea ahte minoritehtajoavkkuid iežaset máhttu ja máhttu sin birra dávjá váilu Wikipedias. Lea máhttováilivuohta sámi Wikipedia sisdoalus obbalaččat ja earenoamážit
davvisámegielat Wikipedias.
Wikimedia Norga lea eaktodáhtolaš organisašuvdna mii bargá ahte buohkaid máhttu galgá šaddat friddja ola muddui Wikipedias ja dain eará Wikimedia-prošeavttain. Mii ovttasbargat earret eará universitehtaiguin ja allaskuvllaiguin dahkat Wikipedia divodeami oassin oahpahusas
Wikimedia Norge lea Sámedikki doarjagiin ráhkadan pilohta oahpahusii maid Sámi allaskuvla ja UiT Norgga árktalaš universitehta galgaba váldit atnui. Mihttomearri lea ahte artihkkaliid logu lassáneapmi ja sisdoalu buorideapmi galgá láhčit ahte sámi máhttu maiddái gávdno neahtas. Go oassálasttát oahpahussii leat don mielde seailluheame ja juohkime sámi máhtu, ja dasa lassin ealáskahttime sámi gielaid. Jus giella galgá leat ealli giella de ferte dat maiddái adnot digitála arenain, nugo Wikipedia.
Resurssat
Veahkkesiiddut
Gáffestohpu – Dát lea siidu Dávvisámegielat Wikipedias gos oaččut oktavuođa earáiguin geat divodit Wikipedias. Sáhtát jearrat ja oažžut veahki eará geavaheddjiiguin.
VisualEditor/Geavaheaddjigiehtagirji – Dán siiddut gávnnat geavaheaddjigiehtagirjji divodanreidui mii geavahuvvo Wikipedias.
Du digaštallansiidu – Du geaveaheaddjisiiddus Wikipedias lea dus gilkor man namma lea "Digaštallansiidu". Dás oaččut don buresboahtidieđu eará Wikipedia-geavaheaddjis go registreret Wikipedia-konttu, geainna sáhtát váldit oktavuođa jus lea juoga maid imaštalat dahje masa dárbbašat veahki. Buresboahtindieđus gávnnat maiddái bajilgova ávkkálaš siidduin gos sáhtát gávdnat dieđuid go leat ođđa geavaheaddji.
Gáldomateriála
Dás leat mii čohkken olu gálduid maid sáhtát atnit go divodat Wikipedias. Jus darvánat itge áibbas dieđe man birra galggat čállit sáhttet dat doaibmat inspirašuvdnan.
- Arkivverket – Sámi arkiiva
- Nationálabibliotehka – Sámi bibliografiija
- Sámi dieđalaš ágeičála
- NRK Sápmi, YLE Sápmi ja SVT Sápmi
- UiT Munin – Doavttirgrádačállosat ja masterbarggut fidnemis ásahuslaš Open Access-arkiivvas, Munin
Cavgileapmi: Studeantan leat sihkkarit bargan feara makkár bargobihtáid main lea čohkken olu buriid gáldočoakkáldagaid. Dát lea buorre álgu gálduide maid sáhtát atnit go divodat Wikipedia.
Giellateknologalaš resurssat
Dás gávnnat olu liŋkkaid siidduide main fállojuvvo nuvttá sámi giellateknologiija nugo elektrovnnalaš sátnegirjjit, mobiilaboallobeavddit, divodanprográmmat, jorgaleamit ja giellaoahpahus.
Sámediggi doarju dán prošeavtta.
Váldde minguin oktavuođa
Jus dus leat jearaldagat leat don dieđusge bures boahtitn váldit oktavuođa minguin Wikimedia Norggas!