Prošeakta:Oahpahuspilohta Sápmelaš máhttu neahtas/Oahpaheddjiide

Sámi máhttu neahtas
Oahpaheddjiide

Dán siidui leat mii čohkken muhtun čuoggáid mat muitalit manne ja movt dahkat divodeami Wikipedias oassin oahpahusas, mii sáhttá leat ávkkálaš guorahallat dutnje gii oahpahat.

Manne dahkat Wikipedia-diovdeami oassin oahpahusas?

Dás addit bajilgova guđiid vásáhusaid ja máhtu studeanttat ožžot oahpahusas maid Wikipedia-divodeami fállá.

Go čuvvot oahpahusa de ožžot studeanttat álgomáhtu mii Wikipedia lea ja guđet prinsihpat leat vuođđun neahttaleksikonii. Sii ožžot ipmárdusa manne lea deaŧalaš sámi sisdoalu ovddidit Wikipedias, ja gálggaid divodit Wikipedias. Dát gálggat almmustuvvet iešguđet láhkái:

• Čállingálggat: Studeanttat ohppet čállit máŋggabealat geavaheddjiide álkis, muhto seammás leksikálalaš láhkái. Wikipedia deattuha duođaštahttivuođa ja "ii makkárge originála dutkamuša", ja dainna lágiin ožžot studeanttat buoret áddejumi erohusas gaskal fáktávuđot ja jáhkiheaddji čállinvugiid.

• Media ja diehtojuohkingealbu: Wikipedia sisdoalu ovdánahttin lea transpareanta ja ovttasbargovuđot ja diktá studeanttaid oažžut čiekŋalet ipmárdusa movt dieđut ráhkaduvvojit ja konsumerejuvvojit. Dát addá buori vejolašvuođa studeanttaide guorahallat gálduid mat leat fidnemis ja movt lea vuogas atnit daid.

• Moaittalaš jurddašeapmi ja dutkangálggat: Studeanttat ohppet moaittalaččat analyseret Wikipedia-artikhkkaliid go árvvoštallet man bures artihkal gokčá ovtta fáttá, makkár dieđut váilot ja árvvoštallet guđe muddui artihkal lea dokumenterejuvvon luohttehahtti gálduiguin. Stuorát oktavuođas veahkeha Wikipedia-artihkkaliid evalueren du studeanttaid oahppat evalueret iešguđetge gálduid ii dušše Wikipedia. Proseassa árvvoštallat dálá artihkkala ja mearridit makkár dieđut váilot sulastahttá oalle olu girjjálašvuođa geahččama mii lea mearrideaddjin dutkanproseassas.

• Ovttasbargu: Studeanttat ohppet movt ovttasbargá oktasašvuođain mas leat aktiiva eaktodáhtolaš veahkit (oktan mielstudeanttaiguin) leksikonsisdoalu ovdánahttimis. Sii ožžot dávjá dieđuid maŋás bargguset hárrái ja ohppet šiehtadallat eará vehkiiguin ja soabadit sisdoalu ektui.

Movt dahkat Wikipedia-divodeami oassin oahpahusas?

Leat olu vuogit movt veahkehišgoahtit buoridit Wikipedia sámegielat sisdoalu. Danne leat don gii oahpahat friddja hábmet bargguid studeanttaide iešguđet láhkái.

Bargobihtát maid mii leat hábmen gilkoriin “Studeanttaide” leat buorit bargobihtát maiguin álggahat. Lea maiddái buorre jurdda čatnat bargobihtáid lohkanmearrái maid geavahat oahpahusas. Don sáhtát ovdamearkka dihte studeanttaide ráhkadit dahje buoridit artihkkaliid mat gusket lohkanmeari teavsttaide lohkanearrelisttus ja čatnat daid logaldallamiidda. Don sáhtát maiddái atnit Wikipedia-divodeami oassin bargogáibádusas.

Evalueren

Sáhttá muhtimin lea hástalus oahpaheddjiide evalueret studeanttaid/ohppiid árjabidjama. Earenoamážit sidjiide geain ii leat vásáhus divodit Wikipedia ovdalaččas. Danne leat čohkken muhtun árvalusaid oahpaheddjiin geat leat dahkan Wikipedia-divodeami oassin iežaset oahpahusas.

• Wikimedia Dashboard: Wikimedia Dashboard-čovdosa geavahit oahpaheaddjit miehtá máilmmi ja lea lea ávkkálaš reaidu mas sáhtát registreret studeanttaid geat leat fárus oahpahusas ja čuvvot sin ovdáneami. Don sáhtát oaidnit man galle, ja guđet artihkkalat leat divoduvvon, ja geat leat divodan dai ja de oaččut ollislaš bajilgova iešguhtege studeanta lea doaimmahan.

• Reflekšuvdnanotáhta: Muhtin oahpaheaddjit leat gávnnahan ávkkálažžan čállit reflekšuvdnanotáhta. Das sáhttet suokkardit iežaset barggu ja bidjat sániid vásáhusaide maid dahket go divodit Wikipedia. Dainna lágiin šaddet studeanttat dihtomielalažžan ja dutnje oahpaheaddjái šaddá čielggasin maid studeanttat ieža oaivvildit ávkkálažžan go veahkehit Wikipedias.

• Fágaguoibmeárvvoštallan: Go diktá studeanttaid árvvoštallat guhtet guimmiideaset doaimmaid de ožžot sii ipmárdusa vuohkái mii lea dábálaš dieđalaš almmuhemiid kvalitehtasihkkarastimis. Studeanttaide geat eai ane vuogasin almmuhit divodemiid maid leat dahkan ovttat manu, sáhttá dat ahte diktit earáid geahčadit divodemiid maid leat jurddašan dahkat leat buorre vuosttaš lávki.

Vásáhusaid maid eará oahpaheaddjit leat dahkan čájehit ahte dan buoremus ávkki dakkár oahpahushommás joksojuvvo jus dat lea bákkolaš oassi oahpahusas ja oahpaheaddjit čuovvolit dan osiin ovtta lohkanbajis.

Gos oaččun veahki?

Jus dus gii oahpahat leat gažaldagat dan birra movt sáhttá dahkat Wikipedia-divodeami oassin leat dus olu sajit gosa sáhtát váldit oktavuođa.

Okta ávžžuhus lea ahte don gii oahpahat ráhkadat geavaheaddji. Dalle oaččut buresboahtindieđu ma leat veahá dieđut movt sáhtát álgit ja geainna sáhtát váldit oktavuođa jus leat gažaldagat

• Gávdnojit iešguđetlágan veahkkesiiddut Wikipedias gos sáhtát jearrat ja oažžut veahki. Okta bajilgovva gávdno davvisámegielat Wikipediai dás XXX ja girjedárogielat Wikipediai dás.

• Don sáhtát dieđusge áinnas maiddái váldit oktavuođa minguin Wikimedia Norggas.